Plaza Ondo jubilatuen elkarteak irteera antolatu du hilaren 24rako. Arabako Estibalitz santutegia eta Laudio herria ezagutuko dituzte egunpasan parte hartzen duten azkoitiarrek. Etzi, martxoak 9, irekiko du Plaza Ondok irteerarako izena emateko epea, eta hilaren 18ra arte luzatuko du. Jubilatuen elkartearen Kultur Etxeko bulegoan egin beharko da inkripzioa, 10:00etatik 12:00etara bitartean. 35 euro ordaindu beharko da irteeran parte hartzeko.
Hilaren 24an, 08:30ean abiatuko dira Estibalizko santutegira; Aizkibel liburutegi paretik irtengo da autobusa. Jubilatuen elkarteak gogorarazi du, hamarretakoa norberak eraman beharko duela irteerara, baina eratekoa Plaza Ondok eskainiko duela. Ondoren, bazkaria egingo dute Laudioko jatetxe batean, eta bide batez, herria ezagutzeko baliatuko dute arratsaldea.