Plaza Ondo jubilatuen elkarteak urteko batzarra egingo du datorren martxoaren 12an, larunbatez. 16:30ean aurreneko deialdia izango da, eta 17:00etan, bigarrena. Iazko batzarreko akta onartzea, ekintza planaren azalpena eta diru kontuak izango dituzte hizpide alde batetik, eta bestetik, aurtengo aurrekontua, 2022ko ekintza plana, kuotak eta batzorde berria eratzea.
Ohi bezala, bileraren ondoren opariak zozkatuko dituzte bileran parte hartzen duten guztien artean.