Aizkibel udal liburutegiak antolatuta, Zoriontsu izateko sortu gara izeneko ipuinak kontatu zituen Miru ipuin kontalariak atzo, ostirala, liburutegian. 30 haur inguru elkartu ziren Miruren kontuak entzuteko; izan ere, zoriontasunera heltzeko gakoak azaldu zizkien hark haurrei.
HH5 eta LH3 arteko umeek adi-adi jarraitu zuten ipuin kontalariaren solasaldia, eta Miruk egindako zenbait galderari ere erantzun behar izan zieten.
