Hilaren 18an, ostirala, ipuin kontaketa saioa egingo dute Aizkibel liburutegian, 17:30ean. Miru ipuin kontalaria izango da protagonista, eta hark Zoriontsu izateko sortu gara izeneko ipuinak kontatuko dizkie herriko gaztetxoenei. Hasiera batean, abenduaren 2rako aurreikusi zuten Miruren ipuin kontaketa, baina orduko egoerak baldintzatuta, bertan behera utzi behar izan zuten.
HH5, LH1, LH2 eta LH3 mailetan dauden haurrei zuzendutako saioa izango da, eta ohi bezala, aurrez izena ematea nahitaezkoa izango da saioan parte hartzeko; izan ere, plazak mugatuak direla jakinarazi dute liburutegiko arduradunek. Horretarako, liburutegira joan beharko da, edota, bestela, 943-85 08 98 telefono zenbakira deitu.