Logela Multimedia konpainiak Tartalo gaztaren sekretua haurrentzako antzezlana aurkeztuko du datorren larunbatean, urtarrilak 29, Baztartxo antzokian, 18:00etan. Maxixatzenek Azkoitiko Udalak emandako bi sarrera bikoitz zozkatuko ditu zozketan parte hartzen duten Maxixatzeneko bazkide guztien artean. Zozketan parte hartu nahi duten bazkideek osteguneko 12:00etara arteko epea izango dute.
Zozketan parte hartzeko, honako lotura honetan eman beharko da izena. Irabazleak ostegunean jakinaraziko ditu Maxixatzenek.
Antzezlanari buruz
Tartalo mendian bizi den artzain erraldoia da, begibakarra. Gazta egilea da eta berak gordetzen du hain estimatua den gaztaren sekretua. Herrian beldurra diote, gizakiak panpin bihurtzen omen dituelako. Egun batean, Matilde artzai ausarta, gazta ardien truke lortzeaz nekatuta, gaztaren sekretua zein den jakitera abiatuko da. Gauza harrigarriak gertatzen diren koba batera iritsiko da.
Bertan Tartalo gentila bizi da. Matildek benetako Tartaloren izaera onbera ezagutuko du. Izan ere, Tartalo ez da munstro bat, Tartalo ezberdina da.