2021eko azken partida jokatu du gaur, larunbata, Anaitasunako gizonezkoen lehen taldeak Ondarroako (Bizkaia) Aurrera taldearen aurka. Ondarroako Zaldupe futbol zelaian jokatu dute Espainiako Hirugarren Mailako 19. jardunaldiko partida, eta gorrixek punturik eskuratu gabe itzuli dira etxera. Oro har, partida traketsa jokatu du Anaitasunak, eta ez du asmatu maila ematen. Norgehiagoka hasi eta 14. minutura, gola sartu du Aurrera taldeak, eta Anaitasunak ez du berdintzerik lortu. Beraz, 1-0 amaitu da norgehiagoka.
Anaitasunako emakumezkoen talde nagusiak, bestalde, atseden hartu du asteburu honetan, eta ez du partidarik jokatuko. Hain zuzen ere, bi taldeek Gabonen ondoren jokatuko dituzte ligako hurrengo norgehiagokak.