Eguzkipearen epelean hainbat lagun elkartu da gaur, osteguna, 'Paxira' egitasmoaren bigarren saioa egiteko. 10:00etan abiatu dira Aizkibel liburutegiaren paretik, eta Izarraitz Lanbide Heziketako begiraleek lagunduta, herrigunean zehar egin dute ibilaldi osasungarria. Joan zen azaroan egin zuten 'Paxira' egitasmoko lehen saioa. Hurrengo saioa urtarrilaren 13an, osteguna, egingo dute, eta orduan ere Aizkibel liburutegi parean elkartuko dira.
'Paxira' egitasmoan Azkoitiko Udalak —Kirol Orientazio Zerbitzuaren bidez—, Izarraitz Lanbide Heziketa zentroak, Plaza Ondo jubilatuen elkarteak, Azkoitia Lagunkoiak, Caritasek eta Gurutze Gorriak parte hartzen dute, eta ekimenak adineko herritarrei zuzendutako ibilbide osasungarriak ditu oinarri.
