Udazkeneko Bebarruko Jardunen hirugarren eta azken saioa izango da bihar, asteartea, Matadeixen. Ramona's First Evil Boyfriend eta Tilde taldeek kontzertua eskainiko dute, eta sarrerak zazpi euroren truke eskuratu ahal izango dira. Matadero Ekintzakek, gainera, azken orduko aldaketa bat iragarri du; izan ere, kontzertuak 22:00etan ziren hastekoak, baina 18:00etara aurreratu dituzte.
Guztira, hiru ekitaldi izan dira udazkeneko Bebarruko Jardunetan. Lehen kontzertua Axiarik eskaini zuen azaroaren 14an, eta, bigarrena, Ama Say taldeak, azaroaren 21ean. Honako lotura honetan irakur daiteke Juan Luis Romatet kazetariak kontzertuaren inguruan egindako kronika.