'Indarkeria matxistaren aurka, berdintasuna bidea!' erakusketa ikusgai dago Etxebeltz jauregian. Azaroaren 25aren bueltan, udaleko Berdintasun sailak antolatutako jardueren baitan ireki dute erakusketa. Besteak beste, Ahalduntze Ikastaroetan parte hartu duten emakumeek egindako xilografia eta puntu lanak daude ikusgai. Erakusketa aretoa ostiralera bitartean egunero irekiko dute, 17:30etik 19:30era bitartean.
