Ehunka lagunek danbor hotsez girotu zituzten kaleak atzo gauean. Gurea pilotalekutik hasita, Kale Nagusia, plaza, Plaza Berri, Balda plaza eta Julio Urkixo kalea zeharkatu zituzten danbor-jotzaileek, eta gauerdirako plazan elkartu ziren berriz talde guztiak, Udal Musika Bandaren laguntzarekin hainbat pieza eskaintzeko. Giro paregabea sortu zen herrian, eta hango irudiekin honako bideo hau egin du Erlo Telebistak.