45 azkoitiarrek parte hartu dute Behobia-Donostia lasterketan

Andoni Elduaien

Lasterkariak, irteera lerroan. (Behobia-Donostia)

Euria eta hotza izan dituzte bidelagun lasterkariek. Eneko Agirrezabal (1:01:41) eta Nuria Lugueros (1:12:42) izan dira helmugara iristen lehenak. Horien atzetik iritsi dira helmugara proban parte hartu duten 45 azkoitiarrak.

25.000 korrikalari baino gehiagok lotu dute gaur, igandea, Behobia eta Donostia arteko lasterketa eremua. Ohi bezala, azkoitiar ugarik parte hartu du aurten ere proban, 45 herritarrek zehazki. 60 lagun zeuden izena emanda, baina 45k bete dute lasterketa amaitzeko helburua.

Iñaki Elola Zeberio izan da gizonezkoen artean lehen azkoitiarra; 81. postuan amaitu du lasterketa, 1:11:09 denbora eginda. Lehen emakume azkoitiarra, berriz, Maite Olaizola izan da, 1:34:21 denborarekin. Ander Puertas izan da bigarren gizonik azkarrena (1:16:12) eta Manex Larrañaga (1:18:34) hirugarrena. Emakumeen artean, Miren Izaskun Arrieta izan da bigarren azkoitiarra (1:39:27) eta Maria Nieves Quintana hirugarrena (1:47:37). Quintanak, gainera, emakume beteranoen mailako zortzigarren postua lortu du. 

Ikusi azkoitiarren sailkapena osorik. 

Gaurko ametsak biharko albiste izan daitezen, beharrezkoa dugu zure babesa.


Egin bazkide