Elkarguneak eta Azkoitiko Udalak antolatuta, tapiza eta feltroa lantzen ikasteko tailerra eskainiko dute Elkargunean. Azaroaren 3an hasiko dituzte saioak, eta parte hartu nahi dutenek izena eman beharko dute Elkargunean data hori iritsi baino lehen.
Lola Altolagirrek zuzenduko du tailerra. Guztira, sei saio eskainiko dituzte asteazkenetan, 18:00etatik 20:00etara bitartean. Informazio gehiago jaso nahi duenak, Elkarguneko 943-85 25 44 telefono zenbakira deitu beharko du.