Hitz idatzia du erreminta nagusi hedabide honek, eta haren bidez heltzen da herritarrengana gehienetan. Bihartik aurrera, ordea, tarte berezia gordeko dio Maxixatzen.eus-ek musikari. Herriko hainbat pertsona ezagunek berariaz hautatutako bost abestiren zerrenda kaleratuko du asteazkenero, Azkoitiarren doinuak seriearen barruan, eta herritar horiek hautatutako kanten gaineko azalpenak emango dituzte.
Bihar, asteazkena, kaleratuko du lehen zerrenda Maxixatzen.eus-ek: zehazki, Xabier Oroz saskibaloi jokalariaren bost abesti gustukoenen zerrenda entzungai izango da.