Jairik ez da izango aurten ere Urrategi auzoan, baina, datorren igandean, uztailak 11, Urrategiko Amaren eguna ospatzeko mezak egingo dituztela jakinarazi du Azkoitiko Parrokiak. Mezak 09:00etan eta 11:00etan egingo dituzte auzoko ermitan.
Arratsaldean, berriz, Andre Mariaren Jasokundeko parroki elizan agurra egingo diote Ama Birjinari. Parrokiak 19:30erako jarri du arratsaldeko hitzordua. Parrokiak jakinarazi duenez, indarrean dauden neurriak beteta egingo dituzte mezak Urrategi auzoan.