Matadeixek 25. urteurrena ospatzeko ekintzak antolatu ditu, eta datorren ostiralean, ekainak 18, izango da lehena. 18:00etatik 20:00etara bitartean, Alex Mendizabalek instalazio kontzertua eskainiko du. 20:00etan, Peito Castelok Proposamenak izeneko kontzertu isila eta objektu dantzaren erakusketa nahiz aurkezpena egingo ditu. 20:30ean, berriz, Mattin igoko da Matadeixeko oholtzara, eta hark ere kontzertua eskainiko du.
Igandean, berriz, Bapatean antzerki taldearen Adabaki antzezlana zuzenean ikusteko aukera egongo da Matadeixen, 17:00etatik aurrera. Antzezlana ikusteko nahitaezkoa izango da aurrez sarrerak eskuratzea, eta Matadeixeko kideek jakinarazi dutenez mataderoekintzak@gmail.com e-postara idatzita eskatu beharko dira. Sarrera bakoitzak 7 euro balio ditu.