Ordu eta erdi pasatxoko kontzertua jo zuen Anarik bere taldearekin atzo, 19:00etan hasita, Baztartxo antzokian. Bere ibilbideko kanta ugari jo zituen, eta kantutik kantura txalo ugari jaso zuen musikari azkoitiarrak. Anarik kontzertuaren aurretik Maxixatzeni emandako elkarrizketan adierazi zuen "lotsa" izaten duela Azkoitian abesteko, baina "gogotsu" zegoela atzo Baztartxon aritzeko. Horixe erakutsi zuen atzoko emanaldian.
