Bihar, larunbata, espiritualtasunaren inguruko saioen hirugarren hitzaldia antolatu du Azkoitiko Parrokiak. Felix Azurmendi Azkoitiko parrokoak eskainiko du hitzaldia parrokian, 10:15ean. Hitzaldiak ordu eta erdi irautea aurreikusi dute parrokiako kideek.
Espiritualitate kristauaren inguruan hitz egingo du Azurmendik parrokian, eta mistiko kristauen lanketa zein den eta horien irakaspenak zein diren azalduko ditu. Hitzaldia jarraitzera parrokiara joan ahal izango dute herritarrek, baina Azkoitiko parrokiko taldearen Youtubeko kanalean ere zuzenean eskainiko dute saioa.