Bulego taldeak disko berriaren lehen abestia esklusiban entzuteko aukera eskainiko die zaleei, eta Maxixatzenek bi sarrera zozkatuko ditu bazkideen artean. Aurrestreinaldia maiatzaren 1ean egingo dute, 22:15ean eta modu birtualean, eta pertsona gutxi batzuek bakarrik izango dute ikusteko aukera.
Abesti eta bideoklip berria ikusteko sarreren zozketan parte hartu nahi duten bazkideek osteguneko 12:00etara arte izango dute horretarako aukera. Irabazleak, berriz, ostiralean jakinaraziko ditu Maxixatzenek.
Parte hartu nahi dutenek hemen klikatu behar dute (bazkide zenbakia eremuan, jarri "xxx". Irabazleak bazkide diren egiaztatuko du Maxixatzenek).