Eusko Jaurlaritzaren Hezkuntza Sailak Arabako, Bizkaiko eta Gipuzkoako ikastetxeetan COVID-19ak duen eraginari lotutako datuak kaleratu ditu, eta erakundeak jakinarazi duenez, aurrez aurreko eskola jarduera eten dute Azkoitiko Bizilore eskola aktiboan. 38 ikasleko eskola da Bizilore.
COVID-19a tarteko uneotan aurrez aurreko jarduna etenda dagoen hiru lurraldeetako eskola bakarra da Bizilore, baina beste 92 ikastetxetako 140 ikasgela ere itxita daude. Euskal hezkuntza sistema publikoak 17.554 ikasgela ditu 2020-2021 ikasturtean, eta horien %0,8 daude itxita gaur-gaurkoz.