Azkoitiko Parrokiak antolatuta, espiritualtasunaren inguruko saioen bigarren hitzaldia izan da gaur goizean parrokian. Luzia Albero Deustuko Unibertsitateko irakaslea eta Unai Oñederra sindikalista aritu dira hizlari, eta saioak jakinmina sortu du herritarren artean. 45 bat lagunek bertatik bertara jarraitu dute solasaldia, eta beste hogei bat lagunek parrokiaren Youtubeko kanalaren bidez. Espiritualtasuna nola bizi duten eta etorkizuneko kristautasuna nola irudikatzen duten azaldu dute bi hizlariek.
