Gaia: Gazteok pandemian
Doinua: Trumoia ortzi beltzean hoska
COVIDak urtebete inguru
pandemian itota gaude gu
Labiak hartutako neurriek
ez dute beti lagundu
polizia jazarpen, isunak
nonahi ikusi ditugu,
gazteok zenbat apuru,
kriminalizatu nahi gaituzte
baina errurik ez dugu.
Denon ardura da gogoeta,
zenbat kutsatu, zenbat hileta,
krisi ekonomiko handi bat
ezin mantendu oreka,
dena salbatu nahian Moderna,
Pfizer ta AstraZeneca,
altxa dezagun kopeta,
amesgaizto honen amaiera
iristear dago eta!