Datorren astelehenean, martxoak 8, Emakume Langilearen Nazioarteko Eguna ospatuko da munduko hainbat txokotan, eta herriko ikastetxeek ere bat egin dute gizonen eta emakumeen berdintasunaren aldeko aldarriarekin.
Bizilore Eskola Aktiboko, Floreaga Ikastetxeko, Xabier Munibe Ikastolako, Azkoitia BHIko eta Izarraitz Lanbide Heziketa zentroko ikasleek mural bana egin dute Hezkidetza Foroaren ekimenez, eta, ondoren, udaletxeko balkoiaren azpian zintzilikatu dituzte mural horiek. Astebetez egongo dira ikusgai ikasleek berdintasunaren aldeko mezuekin eta marrazkiekin egindako artelanak.
Eskoletako ikasleekin eta irakasleekin izan dira Azkoitiko Udaleko Mertxe Zubillaga Berdintasun zinegotzia, Begoña Gorostiaga Berdintasun teknikaria eta udaleko beste hainbat ordezkari ere.