Miguel Oñederra eskulturgilea hil da

Julene Frantzesena

Oñederra erdian, atzean Aste Santuko prozesioetako eskulturak, tartean hark egindako Ecce-Homoa, 2019an. (Ibon Errazu)

19 urterekin, 1945ean, Ecce-Homo izeneko eskultura egin zuen azkoitiarrak. Jesus zaurituta irudikatzen duen paso hori urtez urte atera izan dute Azkoitiko Aste Santuko prozesioan.

Miguel Oñederra eskulturgilea hil zen atzo, 94 urte zituela. 19 urterekin, 1945ean, Ecce-Homo izeneko eskultura egin zuen azkoitiarrak. Hain zuzen ere, Aizpurutxoko gaztainondo baten enborra erabili zuen zauritutako Jesus irudikatzeko.

1947an, eskultura hura tarteko, Donostiako Artista Berrien saria jaso zuen, eta udalak erosita, 1948an desfilean atera zuten Jesusen irudi hura Azkoitiko suhiltzaileek. Harrezkero, Aste Santuko Azkoitiko prozesioetan kaleratu izan dute Oñederrak egindako pasoa. Urte urtero bere lanaren atzetik ikusi ohi zen Oñederra Ostiral Santuko prozesioan. 

Gaurko ametsak biharko albiste izan daitezen, beharrezkoa dugu zure babesa.


Egin bazkide