Azkoitiko gazteok herri mailan ditugun arazo edota problematika ezberdinei erantzuteko beharra tarteko, ezinbesteko ikusten dugu Azkoitiko Gazte Asanbladaren sorrera. Funtsezkoa iruditzen zaigu aurkezpena egitea, taldea publikoki modu formal batean ezagutarazteko.
Hori dela eta, datorren zapatuan, otsailak 20, egingo dugu aurkezpena, 17:00etan hasita, Elkarguneko Herriko plaza aretoan. Denok gonbidatuta zaudete asanblada horren lehenengo deialdi irekira; han taldearen ikuspuntua eta asmoak sakonago azalduko ditugu.