Xabi Oroz (Azkoitia, 1996) Acunsa Gipuzkoa Basket taldeko saskibaloi jokalari azkoitiarra Espainiako 3x3 selekzioak deitu du. Azaroaren 23tik 25era bitartean Valentzian (Herrialde Katalanak) egingo dituzte entrenamenduak, eta han parte hartuko du azkoitiarrak. Jaume Comas hautatzaileak beste 11 jokalarirekin batera sartu du deialdian Oroz.
2022. urteko Eurobasketerako sailkapen partidengatik Endesa Ligak etenaldia izango du aste horretan, eta horregatik egingo ditu Espainiako selekzioak entrenamenduak. 3x3 modalitateko deialdia aitzindaria da, orain arte ez baitute horrelakorik egin. Kontzentrazioaren helburua da nazioarteko hurrengo partidak prestatzea.