Bihar, zapatua, 20:00etan hasita, kontzertua eskainiko du Xabi Solanok Baztartxo antzokian. Emanaldirako sarrera guztiak agortuta daude jada, baina Maxixatzenek, udalak lagunduta, kontzertua zuzenean ikusteko bi sarrera bikoitz zozkatu ditu, eta honako hauek izan dira saridunak:
- Antxon Antsorregi
- Iker Epelde
Lehiaketan parte hartzeko, Solanok bakarlari gisa atera dituen bi lanen izenburua zein den esan behar zen, eta honekoa zen erantzun zuzena: Ereñotzu eta Bi. Hain zuzen ere, bi lan horietan jasotako hainbat pieza joko ditu sortzaile ereñotzuarrak biharko kontzertuan.
Egin zaitez Maxixatzeneko bazkide!
Maxixatzeneko bazkide egin zaitezke urtean 25 euro ordainduta. Horrekin, herriko euskarazko proiektua hauspotuko duzu. Eguneko informazioa izango duzu sarean eskuragarri, eta Maxixatzen aldizkaria jasoko duzu hilero. Era berean, Maxixatzenen zozketetan parte hartzeko aukera ere izango duzu. Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.
