Bi autoren arteko istripua izan da gaur Azkoitian, GI-2634 errepidean, Elgoibarrerako bidean, Azkarateko mendatean. Volkswagen Golf markako bi autok egin dute talka, 11:20 inguruan. Eusko Jaurlaritzaren Segurtasun Sailak jakinarazi duenez, pertsona batek lepoan min hartu du ezbeharraren ondorioz, eta anbulantzia bertaratu da istripuaren gunera. Ertzaintza trafikoa bideratzen ari da une honetan (12:44).