Trenbidearen Zumardiako auzotarrek txalo zaparrada eta pankarta handi batekin eskertu zieten atzo, igandea, Josu eta Araitz Etxaniz aita-alaba trikitilariei konfinamendu egunotan beren etxeko balkoitik eskainitako trikiti doinuengatik.
Alarma egoera ezarri zenetik, egunero, hutsik egin gabe, 20:00etako txaloen ondoren hiru pieza eskaini dituzte balkoitik, auzotarren arratsaldeak alaituz, asko eta asko kantuan eta dantzan jartzeraino. Bi hilabeteren ondoren, atzoko saioarekin eman zioten amaiera.
