Koronabirusarengatik konfinamendua ezarri zutela zazpi aste dira, eta gaur da harrezkero 14 urtetik gorakoek kirola edota pasiera egitera ateratzeko aukera izan duen lehen eguna. Bi ordu tarte ezarri dituzte horretarako eta goizeko tartea behintzat ondo aprobetxatu dute Urola Kostako herrietako bizilagunek. Asko eta asko izan dira oinez, korrika edo bizikletan -parapentean ere bai bateren bat- eskualdeko kale, pasealeku, bidegorri, mendi eta errepideetan ibili direnak.