Zer egin dute etxeko txikienek gurasoekin kalera irten direnean? Nola hartu dute gurasoek Espainiako Gobernuaren azken erabakia? Galdera horiek eta gehiago egin dizkie Erlo Telebistak eskualdeko herrietako hainbat familiari; tartean, Azkoitiko Zaldua-Gogorza sendiari. Hiru seme-alaba dituzte, eta horiek kalera ateratzeko aukera izan dute gaur, herriko beste haur eta gaztetxoren gisan.