Euskal Herriko Gutun Sozialak greba orokorra antolatu du urtarrilaren 30erako lan, pentsio eta bizitza duinak aldarrikatzeko; sindikatuek gaur, osteguna, erregistratu dute deialdia Eusko Jaurlaritzaren Bilboko egoitzan. Ildo horretatik, bihar, ostirala, grebaren inguruko bilera izango da Elkargunean, 18:00etan hasita, eta grebaren inguruko xehetasunak izango dituzte hizpide bertan. Bilera irekia izango da eta edonork parte hartu ahal izango du bertan.