Hazten jarraitzen du Oteiza Pilota Kirol Elkarteak. Pilota ikasleek eta klubeko ordezkariek elkarrekin 2019-2020 denboraldiko talde argazkia atera zuten orain egun gutxi, Gurea pilotalekuan. Aurtengo sasoian 100 kide arituko dira eskolan, batzuk ikasten eta besteak txikienei irakasten.
Kontzejupeko Pilota Txapelketa San Andres Egunean jokatutako pilota finalekin amaitu zuen Oteiza Pilota Kirol Elkarteak, eta orain burubelarri ari dira prestatzen Atano III.a buruz buruko pilota txapelketa. Elkarteko kideen esanetan, urtarrilaren erdi aldera zabalduko dute datorren txapelketan parte hartzeko izen ematea.