Azkoitiko Udal Musika Bandak 150 urte bete dituela eta, erakusketa zabalduko dute bihar, osteguna, Torrezuri aretoan. Bertan, bandaren historia ezagutzeko parada izango dute herritarrek, hilaren 24ra bitartean. Astelehenetik ostegunera, 18:00etatik 20:00etara bitartean zabalduko dute erakusketa, eta asteburuan, 12:00etatik 14:00etara artean ikusi ahal izango da.
Horrez gain, bandaren 150 urteko ibilbidea jasotzen duen liburua aurkeztuko dute hurrengo ostiralean, Santa Zezilia egunean. 19:30ean izango da hitzordua, udaletxean.