Joan zen asteburuan, azaroaren 3an, jaso zuen denboraldiko lehen porrota Juaristi ISB taldeak, eta asteburu honetan garaipenaren bidea hartu du berriz ere. Izan ere, joan zen asteburuan 74 eta 72 galdu zuen Azkoitiko eta Azpeitiko taldeak Igualatorio Cantabria Estela taldearen kontrako neurketa, baina atzo, igandea, aise hartu zuen mendean Enerdrink Udea Algeciras taldea. Azkoitiko kiroldegian jokatutako norgehiagoka 66 eta 56 bukatu zen; lehen hiru laurdenetan Juaristi ISB nagusitu zen, eta Algeciras laugarrenean. Dena den, Juaristi ISBk aurretik lortutako abantaila nahikoa izan zuen partida irabazteko. Etxeko taldeko saskiratzaile onenak Lowrance eta Powell izan ziren. Zortzi partida irabazita eta bat galduta, Zilarrezko LEB Ligako sailkapenaren buruan da ISBko gizonen lehen taldea.
Berriz hartu du garaipenaren bidea Juaristi ISBk
Enerdrink Udea Algeciras taldeari 66 eta 56 irabazi zion Juaristi ISBk atzo, igandea, Azkoitiko kiroldegian. Zilarrezko LEB Ligako sailkapenaren buruan da ISBko gizonen lehen taldea.
Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide