Mugikorren eta sare sozialen erabileraren inguruko formazio saioak ari da eskaintzen Udaleko Gaztedia Saila. Joan zen ostiralean, hilak 25, izan zen bigarren saioa Abarketatxo ludotekan, eta LH4 eta LH6 mailetako hainbat gaztetxo joan zen saiora. Sareen barnean izenburupean, interneta modu seguruan erabil dezaten zer pauta jarraitu behar duten azaldu zieten nerabeei, eta arazoen aurrean zer estrategia erabili ere irakatsi zieten.
Azken bi saioak irekiak izango dira, eta nerabeek, gazteek eta gurasoek parte hartu ahal izango dute horietan. Mugikorren gehiegizko erabileraren prebentzio eta kontrola izango da azaroaren 12an eskainiko dutena; azaroaren 19an, berriz, norberaren eta etxeko zibersegurtasunaren inguruko hitzaldia izango da, eta azaroak ekiditeko prebentzio neurriak azalduko dituzte han.