Maialen Sudupe igerilari azkoitiarrak urrezko domina lortu du Udako Junior eta Absolutuen Espainiako Txapelketan. Terrassan (Katalunia) jokatzen ari den txapelketan, 100 metro bizkar proban lortu du Sudupek junior mailako txapela, 1:04:57 denbora eginda.
Marka horrekin, Azpeitiko Izarraitz Igeri Elkartearekin ari den azkoitiarrak bere adinekoen Euskal Herriko markarik onena ere ezarri du.