Azkoitiko Ikasle Abertzaleak taldeak antolatuta, I. Ikasle Egune ospatuko dute datorren zapatuan, uztailak 20, Matadeixen. 12:00etan hasiko dute eguna, Itaiaren eta festa ereduaren inguruko hitzaldiarekin. 14:30ean egingo dute bazkaria, eta 17:00etan kontzertuen emanaldia izango da Matadeiko agertokian. Istilu, Hell Riders eta Sofokaos taldeen doinuak entzun ahalko dira.
Bazkarirako eta kontzertuetarako zortzi euroko sarrera jarri dute. Aldiz, kontzertuak bakarrik zuzenean jarraitzeko sarrera sei euro izango da. Bazkarirako izena ematea nahitaezkoa izango da, eta horretarako azkottikoia@gmail.com helbide elektronikora idatzi edo Instagrameko @azkottikoia kontuari zuzeneko mezua idatzi beharko zaio.