Uxue Trail mendi lasterketa jokatu zuten atzo, larunbata, Usurbilen (Gipuzkoa), eta Imanol Larrañaga azkoitiarra nagusitu zen proba luzean; ordubete, 39 minutu eta sei segundo behar izan zituen 20 kilometroko ibilbidea osatzeko. Gainera, proba motzean, hirugarren postuan amaitu zuen Mari Carmen Seijas herritarrak; hark 01:13:23 denbora behar izan zuen 11 kilometroko ibilbidea osatzeko.
Guztira, 300 lasterkarik parte hartu zuten Uxue Trail proban; 143 lagunek ibilbide motza egin zuten, eta 134k luzea.