8.507 azkoitiar daude deituta udal hauteskundeetarako. Herritar asko ibili da herriko lau hauteslekuetan: Xabier Munibe Ikastola, Torre Zuri, Elkargunea eta Aizkibel liburutegia. Normaltasunez doa hauteskunde eguna, baina boto-emaile batek Maxixatzeni azaldutakoaren arabera, Elkarrekin-Podemos alderdiaren boto paperik ez zegoen Torre Zurin. Goizean goiz boto paper guztiak jarri dituztela azaldu dute arduradunek, baina paper guztiak desagertu dira 11:00etarako.
Herritarrekin batera Azkoitiko Udalean azken legealdian ordezkaritza izan duten lau alderdietako alkategaiak ere eman dute euren botoa. 10:30 inguruan, Xabier Munibe Ikastolan eman du botoa Javier Zubiarreta EAJren zerrendaburuak. Gainerako hirurek Torre Zurin eman dute botoa. 11:00etan, Ainara Goenaga EH Bilduko alkategaiak eman du botoa, 11:15ean, Jose Joakin Etxaniz Azkoitia Bai Herri Plataformako zerrendaburuak, eta 11:30ean Janire Igoa PSE-EEko Janire Igoa alkategaiak.