Maiatzaren 1ean, Langileen Nazioarteko Egunean, manifestazioak egingo ditu LAB sindikatuak Baionan eta Iruñean, eta Nafarroako hiriburura joateko autobusak antolatu dituzte. Urola Kostako gainerako herrietan egin bezala, Azkoitian ere Iruñera joateko autobusa jarriko dute. Zakela tabernan eman beharko da izena. Herritik 09:00etan abiatuko da autobusa, Aizkibel liburutegiaren pareko autobus geltokitik. Itzulerako ordua, berriz, 18:00etan izango da.