Jon Unanue 'Goenatxo III.a'-k Viña Laguardia Bi Harria txapelketa irabaztea lortu zuen Aimar Galarraga harri-jasotzaileak baino altxaldi bat gehiago eginda. Azkoitiarrak 3.075 kilo altxatu zituen 19 altxalditan. Galarraga bigarren sailkatuak, aldiz, 2.995 kilo altxatu zituen, 18 altxalditan.
Julen Alberdi 'Txikia IV.a'-k, berriz, bigarren amaitu zuen txapelketa. Urrezko Aizkolarien Binakako Txapelketa Nafarroara joan zen. Iker Vicente eta Ruben Saralegik osatutako bikoteak lortu zuen txapela, lana 27 minutu eta 9 segundoan amaituta. Aizkolari azkoitiarra, Aitzol Atutxa aizkolari dimoztarrak lagunduta, bigarren gelditu zen. Bikotearen denbora 28 minutu eta 15 segundokoa izan zen. Lana hirugarren amaitu zuten Larrañagak eta Otañok. 29 minutu eta 37 segundo behar izan zituzten.