Plaza Ondo Jubilatuen Elkarteak eta Pentsiodunen taldeak deituta, pentsio duinen aldeko ahotsa zabaltzen jarraitzeko elkarretaratzea egin dute dozenaka lagunek plazan. 12:00etan zuten jarrita hitzordua, eta 200 lagun inguru elkartu dira. Espainiako Gobernuak onartu duen %0,25eko igoera gaitzetsi eta KPIaren neurriko igoera aldarrikatzen jarraitzeko asmoa dute herriko pentsiodunek aurrerantzean ere.
