Euria dela eta, Floreaga Ikastetxeko LHko ikasleek ez dute Urrategi auzora egiten duten urteroko txangoa egiterik izan. Juan Inazio Sudupe Floreagako ordezkariak ongietorria eman die ikasleei, eta ondoren, ikasleak ikasgelara abiatu dira aurtengo ikasturteko ikasgela ezagutzera. HHko ikasleak 10:00etan sartu dira ikasgelara. Aurten, gainera, instalakuntzak berritu dituzte haur eskolan.
Xabier Munibe Ikastolan ere, txirrinak jo bezain pronto ikasgelara abiatu dira guztiak, eta ikasleek irakasle berriei euren burua aurkeztu diete ikasgelan; udan zer egin duten ere azaldu diete. Etxeko lanak astelehenetik aurrera izango dituzte neska-mutil azkoitiarrek.