Andra Mari bezperako arratsaldean, haur parkea izan da herriko plazan. Halere, doinu nagusiak Mexiko aldetik etorritako 'Mariachi, Sonidos de Mexico' taldeak jarritakoak izan dira herrian. 19:45ean hasi dute euren kale ikusikizuna, eta 23:00etan, herriko plazako eszenatokira igoko dira kontzertua eskaintzeko. Udaleko EAJ eta PSE-EE udal taldeak Ama Birjinaren Jasokundeko parroki elizara joan dira, Txalkor Txistulari taldeak 'Alkate soinua' jotzen zuen bitartean. Elizan, 'Salbea' abestu dute parrokiko abesbatzak eta Iraurgi abesbatzak; jende ugari elkartu da aurtengoan ere parrokian. Herri Moimentueren txosnagunean, aldiz, 18:00etan hasi eta goizaldeko 04:00ak arte DJak izango dira protagonista nagusiak.