Auto batek su hartu du Eroskiko aparkalekuan

Atzo arratsaldean Bazterretxe auzoko Eroskiko aparkalekuan zegoen auto batek su hartu zuen. Olio ihes batek eragin zuen sua, Segurtasun Sailaren arabera. 17:00etan piztu zen sua, eta suhiltzaileak joan ziren arren, autoaren aurrealdea erabat kiskalita gelditu zen. Halere, ez zen zauriturik izan. Suteak ikusmina piztu zuen supermerkatuaren atarian.