Kadete mailan Mikel Aranbarrik eta Ioritz Astigarragak 22-15 menderatu zituzten hernaniarrak. Gazteen mailan, Jon Oteizak eta Iagoba Urangak 22-17 irabazi zuten. Azken partidan, senior mailan, galdu zuten azkoitiarrek partida bakarra. Alex Juaristik eta Julen Oñederrak 5-22 amaitu zuten partida.
Finalerdietan Ataun izango dute aurrean Oteiza Pilota Kirol Elkarteko pilotariek. Joanekoan bi eta bat nagusitu zen Ataun, eta itzulerakoan Zizurkil. Guztira hiruna berdindu dute, baina bost tantoko aldeagatik ataundarrek lortu dute aurrera egitea. Datorren ostiralean jokatuko dituzte finalerdietako joaneko partidak, Gurea pilotalekuan. 22:00etan hasiko da lehia, Oteiza elkarteko ordezkarien esanetan «lehia estua» izango da.