Astelehenero plazan biltzen dira pentsiodunak eta erretirodunak pentsio duinen alde protesta egiteko, eta hurrengo astelehenean ere, 12:00etan, herriko plazako eskailerak beteko dituzte protestan jarraitzeko.
Datorren zapatuan, maiatzak 26, manifestazioa egingo dute Donostian pentsio duinak eskatzeko, eta Plaza Ondo Jubilatuen Elkarteak autobusa antolatu du hiriburura joateko. Autobusa zapatuan 16:00etan liburutegi paretik abiatuko da. Autobuseko txartelak eskuratzeko epea dagoeneko itxita dago.