Itzi Beitiak —teklak—, Jontxu Apek —baxua—, Ruben Lizarraldek —gitarra—, Tomas Lizarazuk —gitarra eta ahotsa— eta Xabi Arrietak —bateria— joan den urteko abuztutik zuten buruan diskoa sortzea eta egikaritzea. Orduan hasi ziren lehen konposaketa lanekin eta entseguekin, baina grabaketa lanak urtarrilean hasi zituzten. Boskoteak Arrasateko Shot! estudioan grabatu du diskoa, Alberto Martinez eta Ander Barriusoren gidaritzapean. Martinez ekoizle lanetan aritu da laguntzen eta Barriuso, arlo teknikoan.