Azkoitia BHI Institutuko irakasleen grebaren eraginez, bestealde, ikasleen % 85-90 inguru ez dira geletara hurbildu, eta ondorioz, ez dute izan jangela edo garraio zerbitzurik.
Hezkuntza Sailari hainbat hobekuntza eskatzen dizkiote hezkuntza publikoko irakasleek. Steilas, LAB eta ELA sindikatuek babestu dute greba deialdi, eta hiriburuetan kaleetan milaka lagun bildu dira manifestazioetan.
Sindikatuetako ordezkarien iritziz, grebaren arrakastak «zuzenean interpelatzen du» Hezkuntza Saila. Miren Zubizarreta ELAko ordezkari azkoitiarrak adierazi du Eusko Jaurlaritzaren «estrategiak huts egin» duela: «Grebaren datuak mantentzen dira; hau da, mobilizazioei zilegitasuna kentzeko ahaleginek ez dute funtzionatu. Grebaren erantzuna ikusita, negoziazio mahaietan edukiak jarri behar dira. Hezkuntza publikoaren beharrei erantzuten dieten proposamenak jarri behar dituzte mahai gainean».