Hauteslekuak itxi dituzte Katalunian, eta bozak zenbatzen ari dira orain [20:30]. Egunean zehar polizia eta herritarrak aurrez aurre ikusi dira Kataluniako kaleetan, eta hainbat istilu sortu dira. Nazioarteko politikari eta aurpegi ezagun askok gaitzetsi dute Espainiako poliziaren jarduna Kataluniako erreferendumaren egunean. Besteak beste, karga polizialak erabili dituzte hautetsontziak eta boto-paperak atzemateko, eta, ondorioz, ia 800 zauritu daude, horietatik bi larri, Generalitatearen arabera.